Naballigi a naangay ti 10th National Conference of Nutriskwela Community Radio Network Program idi January 25-27, 2022 nga inatendaran dagiti limapulo a Nutriskwela Stations Nationwide karaman dagiti Station Managers, Program Managers, Technicians ken CRC Chairperson.

Iti daytoy a programa a naangay online ket indauluan iti National Nutrition Council iti Department of Health.

Naangaypay ti pannakapili ti agbalin nga opisiales ti Nutriskwela Radio Broadcasters Association Incorporated ket naelektaran ni Mr. Orlino U. Ibus Jr., Station Manager ti Radyo Karruba iti Burgos, Ilocos Norte kas Board of Trustees-Treasurer ken ni Mr. Hyacinth Chavez iti Radyo Kailian manipud ISPSC, Sta. Maria, Ilocos Sur a kas maysa Board of Trustees-Member.

Iti daytoy nasao nga online conference ket naikkan gundaway dagiti naduma-duma nga istasyon nga iburay dagiti naballigi ken naisangsangayan nga programa da nga sigurado a napnuan adal a mabalin nga iyaramid met iti dadduma nga istasyon.

Nadutukan met da Mr. Chavez iti Radyo Kailian ken Mr. Severo Talipo iti Radyo Kabinnadang iti Cervantes, Ilocos Sur nga nangiburay iti kapadasan da nangnangruna iti research ken partnership. Kasta met ni President Guilbert Arce iti ISPSC para iti suporta iti unibersidad iti daytoy da nga istasyon.

Kastapay a naangay ti 5th Nutriskwela Awards ket para iti categorya a Best Female Broadcaster ket maysa ditoy ni Ms. Melba V. Dugay a.k.a. DJ Mhel iti Radyo Karruba nga addaan iti programa a Daniw ken Samiweng kas finalist a ditoy nga inyalatan ni Ms. Laren Delos Santos-Reyes a.k.a DJ Lala kas Best Female Broadcaster nga addaan iti programa a Lalavingly Yours.

Nalpas ti nasao a conference nga addaan iti ragsak, balligi ken napnuan inspirasion.

/Melba V. Dugay, Writer/Announcer-Radyo Karruba 91.1FM - Burgos, Ilocos Norte