Cebu City – Sa hisgotanang overweight ug obesity, importante nga atong mahibaw-an nga ang terminong “malnourished” dili limitado sa pagka sobrang daot ug luya o sa walay makaon. Kini nagpasabot usab na sobra ra sad atong gipang kaon ug adunay timbang na dili haom sa imohang height ug pisikal na kalihokan.

Kung gusto nga mamenosan ang timbang, kinahanglan nato mahibal-an kung asa magsugod. Atong kuhaon ang atong timbang sa kilograms, atong height sa meters, unsa atong mga hilig kaonon, ug ang frequency sa atong pagpakaon. Kung naa na ta ani, pwede na ta magsusi sa atong BMI or Body Mass Index ug ang atong Food Habits. Diri na magsugod kung asa ta makakuha ug makisayud para sa atong pag-uswag.

Dapat atong trabaho karon ug ang atong gugma sa pagkaon kinahanglan dili mahimog babag alang kanato sa pag ehersisyo ug maayong pamatasan sa pagkaon. Sa tinuud, mahimo nimong ilakip kini sa imong adlaw-adlaw nga panginabuhi ug gamiton kini sa positibo nga pamaagi aron matukod ang usa ka himsog nga rutina sa saktong nutrisyon. Kung naa tai sakit nga gibati adlaw-adlaw, mahitungod siguro ni sa atong sobra nga timbang.

Kanang paglisod og saka sa hagdanan ug primi kapoyon ang lawas sa buntag kay komon ni sila nga sintomas sa pagka overweight. Agi ni siya nga sobra na ang atong timbang ug dili na kadaog ang lawas sa extra weight na gidala niini. Mao na, primi kapoyon kay pirmi nag overworked atong muscles sa pag alsa palang sa atong lawas. Ang mga kanunay nga gibati nga sakit sa hawak, tuhod, bukong-bukong, ug tangkugo mao ang resulta sa pag trabaho og overtime sa atoang lawas kung overweight ta. To be continued… // ND II Mary Carmeli C. Garrovillo, RND