Cebu City – Ang pagkaon nga kaonon managlahi para sa matag indibidwal, labi pa kung ang usa ka tawo adunay sulirang medikal ug adunay giinom nga tambal matag adlaw. Dapat magpa konsulta gyud una sa ka doktor kon unsang tambala ang angay imnon ug mu konsulta usab sa usa registered nutritionist-dietitian kon unsa nga pagkaon ang angay sa sakit nga nasinate.

Ang pagtino sa mga kinahanglanon o health requirements sa usa ka tawo mahimong lisud, labi na kon kulang ang pagsabut sa hilisgutan. Samtang ang internet mahimong usa ka mapuslanon nga tinubdan og impormasyon alang sa nutrisyon, mahimo usab kini nga makuhaan og sayop nga impormasyon o dili sakto nga kasayuran.

Ang pagkonsulta sa usa ka doktor ang maayo ug kasaligan nga paagi aron maputol ang sayop nga pagtambal (treatment) o dili tukma nga impormasyon (fake news). Ang bentaha kon usa ka healthcare professional ang gikonsultahan, mas makahatag kini sila sa ilang mga pasyente og eksperto nga tambag ug makapahibalo sila kon unsa ang mas epektibo nga tambal o paagi sa atiman ug malikayan ang pagka-usik sa oras tungod sa dili sakto o gimik nga programa o dyeta nga nagsunod lang sa unsay uso.

Ang pag-ehersisyo usa sa mga pamaagi aron pagkab-ot sa mas himsog nga timbang. Dili kinahanglan nga mu adto og gym para lang sa ehersisyo. Importante nga masayran ang maayong ibunga sa saktong pag ehersisyo, sama sa pagbaton og kabibalo sa saktong pagkaon ug tukmang nutrisyon. Kinahanglang sab magmatngon sa mga tambag nga angay sundon. Unsa ang epektibo sa uban, mahimo nga dili haom sa laing tawo. Atong hinumduman nga wala'y usa ka pormula sa pagkaon ug ehersisyo nga magamit sa tanan.

Kini nga panaw ang angay sugdan para sa usa ka himsog nga kinabuhi. Ang mga himan nga gamiton, kinahanglan nga ipahiangay-angay alang sa matag usa. Dili kinahanglan og fitness trainer para mahibaw-an ang pinaka epektibo nga ehersiyo nga angay kanimo. Ang importante kay malingaw ug mauyonan ka niini. Apan sa mga tawo nga adunay problema sa kasing-kasing, importante and pag-uyon sa imong doktor kon unsa nga exercise program and imong ipatuman.

Ang yawe sa usa ka epektibo nga ehersisyo mao ang pagkamakanunayon ug ang mga resulta nga gustong makab-ot. Kinahanglan lang gyud nga paresan kini sa husto nga nutrisyon. To be continued… ND II, Mary Carmeli C. Garrovillo, RND