Cebu Province - Ang malnutrisyon adunay kalabotan sa kakuwang, sobra, o dili balanse sa enerhiya ug uban pang macro ug micro-nutrients. Dugay nang nalambigit malnutrisyon sa kakabos sa mga lumolopya tungod kay mas taas nga rate sa malnutrisyon ang makita sa mga lugar nga daghan usab og mga kabus.

Adunay usa ka hinungdanon sa relasyon tali sa malnutrisyon ug kakabos. Ang kakabos nagmugna og dili lig-on ug dili maayo nga mga kahimtang nga mahimong makatampo sa pagpadako sa problema sa malnutrisyon. Ang mga tawo nga kabus kasagaran nag-atubang sa lisud kaayo nga kahimtang sama sa gamayng sweldo nga nagpugong sa ilang abilidad sa pagkab-ot sa luwas, igo, ug masustansya nga pagkaon.  Ang pagkawalay kasiguruhan sa pagkaon nagkompromiso sa katakus sa mga tawo nga makakuha sa saktong gidaghanon ug kalidad sa pagkaon nga gikinahanglan aron matubag ang gikinahanglang kaloriya sa lawas. Kung dili igo ang pagkonsumo sa saktong kaloriya, ang usa ka indibidwal dili makahimo o makabuhat sa iyang ang adlaw-adlaw nga mga kalihokan sa kinabuhi ug kini usab makapugong sa iyang kapasidad aron mahimong produktibo aron mokita.

Ang kakabos mahimong makatampo sa pagpasamot sa malnutrisyon pinaagi sa pagkompromiso sa kalidad sa pagkaon ug pagpalig-on sa tinago nga kagutom nga mao ang kakuwang sa gikinahanglang bitamina ug minerales. Aron sa pag-uswag sa katilingbanon ug ekonomikanhon kahimtang, adunay dako og dinaliang panginahanglan sa pag-ila sa palas-anon sa kakabos ug malnutrisyon ug sa paghimo sa hinanaling mga lakang aron maputol ang siklo (cycle) sa malnurisyon. Aron makab-ot kini, importante nga masabtan kung unsa nga mga hinungdan sa problema sa komunidad

Ang malnutrisyon dili mo ubos o mawala kung walay kooperasyon sa mga taga barangay ug munisipyo. Gikinahanglan usab ang aktibo nga pag salmot sa mga ginikanan sa mga mga kalihokang pang nutrisyon labe pa sa dietary supplementation programs nga gihimo sa local ug nasudnong pangagamhanan. // ND II Geraldine Mae S. Pausanos, RND