Cebu City – Hapit na ang holiday season. Dili nimo kinahanglan nga ihikaw ang imong kaugalingon sa tanan nga mga goodies, dessert, ug casseroles nga giandam. Hinunoa, kontrola ang imong pagpili sa pagkaon ug tagamtama kini. Tinood nga usa ka hagit ang pagsunod sa estilo sa healthy eating ug nagsunod sa maayong diyeta. Lisud ang paglikay sa pagdugang og timbang ning panahon sa holiday tungod sa daghang kasaulogan nga kasagaran adunay daghang kaon nga makadugang sa atong pagkonsumo og mga pagkaon nga daghan og kalorya.

Apana yaw kabalaka, gamita kini nga mga sugyot aron makabaton ka og nindot ug himsog nga kasaulogan sa Pasko ug Bag-ong Tuig:

• Likayi ang paglaktaw sa pagkaon. Bisan tuod ang paglaktaw sa mga pagkaon morag usa ka maayong paagi sa pagmenos sa mga kaloriya nga imong makaon, kini lagmit makapahimo kanimo sa pagkaon nga mas paspas og mas daghan kon ikaw mokaon na kay nasobrahan na man ka sa gutom. Ipadayon ang imong regular nga oras tingkaon.
  
  

• Tagamtama ang imong pagkaon samtang hinay ka nga mokaon niini. Ayaw pagdali-dali sa imong pagkaon. Pagkat-on sa pagpasalamat sa matag paak sa pagkaon. Ikonsiderar ang pagbalhin sa imong atensyon sa usa ka bag-ong lugar sa imong pagkaon matag pipila ka minuto. Makatagamtam ka sa imong pagkaon nga mas bug-os ug makagahin sa imong oras sa pagkaon kung imong gamiton ang tanan nimong mga igbalati.
  
  

• Timan-i ang mga timailhan sa pagkabusog sa imong lawas. Hatagi og espesyal nga pagtagad ang imong mga pagbati kalambigit sa pagkaon. Paghimo og desisyon nga mokaon og mas hinay ug mohunong sa dihang mibate ka nga busog naka. Mahimo pa gani nga magkinahanglan kini og paglangan sa pagkompleto sa imong plato o pagpangayo og ikaduhang serving samtang maghulat ka og pipila ka minuto aron masusi ang imong kabusog.
  
  

• Maalamon nga pagpili og mga ilimnon. Daghang mga ilimnon sa holiday ang bug-at sa kaloriya o asukar, ug sayon ​​ra ang pag-inom og daghang niini nga walay paghunahuna. Mas maayo nga pillion ang ilimnon nga menos o walay kaloriya sama sa tubig, tsa, o sparkling nga tubig ug I reserba ang lugar sa kaloriya alang sa imong paborito nga mga pagkaon. ND II Teresito M. Caayaman III, RND