Carmen, Cebu - Naningkamot ka nga mahimong himsog ang imong panglawas? Dili kinahanglan nga motan-aw pa sa layo alang sa mga exotic superfoods o mga bag-ong pagkaon.
Abunda ang atong nasud og daghan, dali nga makuha, barato, ug puno sa bitamina nga mga utanon nga lamian, daghang gamit, ug dako og mga benepisyo sa kahimsog. Kadaghanan sa mga lokal nga produkto puno sa sustansiya, antioxidant, bitamina, ug minerales nga gikinahanglan sa lig-on, ug himsog nga lawas. Ang labing dali nga paagi aron mapauswag ang kalidad sa imong pagkaon mao ang pagdugang niini og mga maayong sangkap. Maayo na lang kay daghan nang mga putahe sa Pinoy ang naggamit na niining mga ‘power veggies’.
Ayaw hukmi ang usa ka utanon pinaagi sa gamay nga kunot nga panit niini. Ang staple sayote, nailhan usab nga chayote, usa ka light-green nga utanon nga mahimong susama sa hilaw ug berde nga kapayas (parehong gigamit sa tinola, depende sa imong gusto), ug nagtanyag og susama nga mga benepisyo sa pagsuporta sa immune system. Ang sayote puno sa mga antioxidant nga makatabang sa pagpakunhod sa paghubag sa lawas. Nagtanyag usab kini sa usa ka saktong gidaghanon sa fiber nga maayo alang sa kahimsog sa tinai. Ang tibuok sayote adunay 38.6 ka kaloriya ug 0.1 gramos nga tambok. Ang taas nga “water content” ug “fiber” sa sayote makatabang kanimo nga mabusog sa dugay nga panahon ug dili daghan og kaloriya. Mahimo kang mokaon og chayote isip meryenda aron mapugngan ang kagutom ug matubag ang gikinahanglang kalorya anang adlawa. Tungod sa humok nga texture niini, mahimo nimong gamiton ang chayote isip “extender” sa “salad” o idugang kini sa usa ka “smoothie”.
Daghag benepisyo ang pagkaon og sayote. Ang pagkaon og sayote nga naila na sa milabayng siglo ug gibantog tungod sa mga benepisyo sa medisina niini. Kini nga pagkaon ubos sa kaloriya, apan puno sa fiber, folate, bitamina C, ug antioxidants. Ang pagkonsumo sa chayote makahatag og daghang bentaha sa kahimsog, lakip na ang pagkunhod sa peligro sa laygay nga sakit, pagpauswag sa pagkamabungahon, makapahinay sa pagkatigulang, ug mas maayo nga pagkontrol sa asukal sa dugo. Ang chayote dali nga pandugang sa bisan unsang pagkaon ug mahimong kan-on sa daghang mga paagi, kay aduna kiniy tam-is nga lami. Usa ka gamay nga eksperimento, mahimo na nimong makit-an ang imong bag-ong superfood! // ND II Geraldine Mae S. Pausanos, RND
