Catmon, Cebu - Ang paghigop og usa ka tasa na kape sa imong balkonahe matag buntag makapahibulong kanimo kung giunsa paghimo ang kape, unsa ang lainlaing klase sa kape ug diin kini naggikan. Adunay daghang mga liso sa kape nga pwedeng magamit, ang matag tipo nagtanyag og lain-lain ug talagsaon lami nga pwedeng mopuno sa nagkadaiyang mga resipe sa ilimnon, dessert ug pagkaon.
Maayo nga mokat-on kita mahitungod sa lain-laing mga matang sa mga liso sa kape ug unsa ang mga paagi sa pagpili kanila aron sa pagdugang sa atong kahibawo sa bag-ong mga sukod nga makapadugang sa lami sa imong mga resipe. Human maani ang mga liso, ang sunod nga lakang mao ang pag ferment ug pagsugba/pagsangag niini, mga proseso aron pagwagtang ang iyang kaumog ug makatabang sa pagpalambo sa lami nga iya lang sa matag matang sa bean. Gikan didto, ang sinangag nga mga liso andam na nga gamiton alang sa lainlaing mga resipe.
Samtang nagsuhid ka sa mga resipe sa kape, mahimo nimong sination ang pipila ka klase sa mga liso sa kape nga magamit. Bisan kung parehas sila tan-awon, ang lainlaing mga klase sa liso sa kape aduna say lahi nga mga kinaiya nga ang tanan nakatampo sa iyang lami ug texture. Ang upat ka labing popular nga matang sa mga liso sa kape maong ang mga sumusunod:
Arabica - Kini ang labing popular nga klase sa tibuok kalibutan. Ang Arabica beans lumad sa Ethiopia apan gipatubo sa daghang mga nasud sa tibuok kalibutan nga adunay tropikal nga klima ug taas nga altitude. Itom o brown ang kolor ug hamis kini hikapon. Ang Arabica bean makahimo og lain-laing lami nga gikan sa gamay nga tam-is ug “fruity” ngadto sa “nutty” kung giluto na. Ang Arabica beans gikonsiderar nga labing taas nga kalidad ug makit-an sa kadaghanan nga mga lugar diin gibaligya ang mga liso sa kape, gikan sa lokal nga supermarket hangtod sa imong paboritong coffee shop. Ang pagkapopular ug versatility sa Arabica bean naghimo niini nga maayo pilion alang sa daghang mga resipe, gikan sa brewed nga kape ngadto sa mga “coffee cakes”.
Robusta - Kini nga klase mas dako ug mas lingin ang porma ug mao ang ikaduha nga pinakapopular nga tipo. Samtang sila lumad sa sub-Saharan Africa, ang Robusta beans kasagarang gipatubo karon sa Africa, Indonesia ug India. Kung bahin sa Arabica beans kumpara sa Robusta beans, ang Robusta beans adunay mas lawom ug mas pait nga lami nga nga adunay undertones sa kahoy ug nut. Tungod niining pait nga lami, ang Robusta beans sagad gigamit sa mga timpla sa kape isip usa ka komplemento sa ubang klase sa kape. Dili kaayo nimo makit-an kini nga liso sa kape, gawas sa instant nga kape o espresso beans. Ang maisugon nga lami niini maklaro gihapon bisan pa og gidugangan na og cream, steamed milk ug uban pang mga panimpla. Para makapangita og dekalidad nga Robusta beans para sa pagmugna ug espresso recipes o coffee blends, sulayi ang pag-browse sa usa ka specialty coffee retailer.
Excelsa - Una nga nadiskobrehan sa Africa, kadaghanan sa mga Excelsa beans nga giproseso karon halos gitanom sa Southeast Asia. Uban sa gamay nga elongated oval nga porma, ang Excelsa bean maayo nga motubo sa medium nga altitude. Ang mga liso sa kape sa Excelsa nailhan tungod sa ilang komplikado nga lami ug sagad gigamit sa mga timpla sa kape alang sa dugang nga dimensyon. Ang lamian nga lami niini naghimo usab sa Excelsa bean nga usa ka sikat nga stand-alone nga pagpili sa brew. Kung itandi sa ubang mga klase sa liso sa kape, ang mga liso sa Excelsa naghiusa sa kahayag ug kangitngit nga mga kinaiya sa sinugba aron makahimo og talagsaon nga lami gikan sa prutas ug tart hangtod sa iyang “richness” ug “strong” nga lami. Ang talagsaon nga giladmon sa lami sa Excelsa naghimo sa bean nga lisud pangitaon gawas sa Southeast Asia, mao nga kini nga matang kinahanglan nga makuha gikan sa usa ka espesyalista nga retailer.
Liberiica - Lumad sa sentral ug kasadpang Africa, ang Liberica bean makaagwanta sa mapintas nga mga klima ug ubos nga altitude, maayo nga motubo sa mga nasud sa tibuok Southeast Asia lakip ang Indonesia, Malaysia ug Pilipinas. Usa ka liso nga pormag “almond” nga adunay bulak ug medyo prutas ang kahumot, ang Liberica bean lagmit nga makit-an sa mga merkado sa Pilipinas o mga espesyalista nga retailer. Kanunay nga nahibal-an nga adunay usa ka kontrobersyal ug talagsaon nga lami, ang Liberica bean apan ang iyang lami mahimong mahulagway nga “nutty” o “woody”. Samtang kini mahimong gamiton sa iyang kaugalingon alang sa brewed nga kape, ang talagsaon nga lami sa Liberica bean naghimo niini nga usa ka popular nga sagol aron pagdugang sa usa ka mas kusgan nga lami sa resipe.
Mao ni ang lain-laing klase sa liso sa kape nga angay natong masayran aron masabtan nato ug mapili nato ang saktong kape nga mohaom sa atong panlasa. // ND II Geraldine Mae S. Pausanos, RND
