Carmen, Cebu - Ganahan ka ba moinom og red wine? Kahibalo ka ba nga ang pag-inom niini wine adunay maayong benepisyo sa atong lawas? Ang pag inom og usa ka baso nga antioxidant makatabang kanimo nga makapahulay sa mga gimbuhaton sa usa ka taas nga adlaw ug modugang sa ka lami sa kaon inig panihapon. Daghan sa mga potensyal nga benepisyo sa kahimsog sa red wine gibase sa taas nga lebel sa sustansya sa tanum diin kini naggikan sama sa polyphenols, nga adunay mga anti-inflammatory ug antioxidant properties. 

Ang pag inom og red wine aduna pay nagka lain-laing potensyal nga benepisyo sa atong lawas sama sa mga sumusunod:

• Maayo para sa himsog nga tinai - Gi-link sa mga siyentipiko nga ang mga bakterya nga nagpuyo sa imong tinai makaguba sa sistema sa paghilis, kahimsog sa immune system, ug bisan ang paglihok sa utok. Ang mga taong hilig mo inom ug red wine adunay ‘good bacteria’ sa ilang tinai ug makasagubang niini.
  
  
• Pagpauswag sa kahimsog sa kasingkasing - Gisugyot sa mga panukiduki nga ang regular nga pag-inom og red wine mopakunhod sa peligro sa sakit sa kasingkasing. Ang polyphenols mahimong makatampo niini sa daghang paagi. Ang mga molekula nga magpauswag sa maayo nga paglihok sa mga ugat sa kasingkasing, makapadali sa pag-agos sa dugo ug makunhuran ang peligro sa sakit nga coronary artery disease. Makatabang usab sila sa pagpakunhod sa negatibo nga mga epekto sa kolesterol.
  
  
• Gipakunhod ang risgo sa mga kondisyon nga may kalabutan sa pagedad – Ang polyphenol resveratrol makatabang sa pagpakunhod sa risgo sa mga sakit sama sa cancer, Alzheimer's, ug diabetes. Nagtuo ang mga tigpanukiduki nga mahimo kini tungod sa epekto sa pagpanalipod niini batok sa panghubag ug kadaot sa cell, apan daghang pa hinoon nga mga pagtuon ang gikinahanglan aron masusi benepisyo sa tawo.
  
  
• Mas maayo nga mental health - Ang mga sustansya nga naa sa red wine adunay potensyal sa pagpanalipod batok sa kabalaka ug depresyon nga may kalabutan sa stress. Ang polyphenol makatabang sa pagbabag sa aksyon sa usa ka enzyme nga nalambigit nining nga mga kondisyon.

Ang pagkonsumo sa igong gidaghanon sa red wine sama sa lima ka onsa (5 ounces) matag adlaw adunay mga benepisyo sa kahimsog, lakip ang pagpahimsog sa kasingkasing, tinai, ug pangisip, ug mga peligro bunga sa pagsaka sa edad. Ang pag-inom og sobra sa gidaghanon sa alkohol maghatag og mas dakong risgo sa seryosong kondisyon sa panglawas lakip na ang kadaot sa atay, sakit sa kasingkasing, stroke, ug kanser. // ND II Geraldine Mae S. Pausanos, RND